Fünf plattdeutsche Märchen

Viac o knihe

Dit is een van de Boken, de mit en Oog för 't Mooie un för dat, wat Kinner gefallt maakt sünt. Up de Umslag ut Linnen sehn wi de Haas ut "Dat Wettlopen twischen den Hasen un den Swienegel", wo he över de Acker neiht. För dat Märchen över de Wettloop hebben de Rutgevers net as för "Van den Fischer un siene Fru" de "Kinder- und Hausmärchen" van de Bröörs Grimm as Quell nohmen. "De Tuunkrüper" kummt ut "Wat Grotmoder vertellt" van Wilhelm Wisser, "Katt un Kater" ut de tweede Band van Wossidlo sien "Mecklenburgische Volksüberlieferungen" un "Vagel Fenus" ut de eerste Band van de "Sagen, Märchen und Gebräuche aus Mecklenburg" van Karl Bartsch. All Geschichten sünt in grote Buchstaben schreben, so dat se för Kinner mackelk to lesen sünt. Besünners arig antokieken sünt de grote Biller van Peter Fischer, de of un to sogaar över twee Sieden gahn. De laten so mooi, dat menigeen, de "naive Kunst" lieden mag, sük hör woll ook an de Wand hangen wüür. (IR)